علشان تحِل مشكلة سرعة القذف بشكل نهائي

 علشان تحِل مشكلة سرعة القذف بشكل نهائي

{اطحن حلبة حصى مع أعواد قرفة وجوزة الطيب وخُذ الخليط ضيفه على دبس رمان وماء وِرد وزهرتين بابونج} وطبعا الكلام ده كله هبد اوعى تسمع بيه ولا تسمع من أي حد يقول لك حاجة شبهه.

في الأدوية الكيميائية بنقلل إمكانية حدوث سرعة القذف بشكل مؤقت:-

بعائلة SSRIs الكريمة ودي اللي منها "باروكستين، سيرترالين، فلوكستين، سيتالوبرام، إسيتالوبرام"

ودي كلها مثبطات إعادة امتصاص السيروتونين.

أو حاجة من عائلة TCAs "مضادات الاكتئاب ثلاثية الحلقات" زي الـ كلوميبرامين ودي أعراضها الجانبية أعلى من الأولى.

المستوى الخطر: المسكنات الأفيونية زي “ترامادول”، وده حرفيًا بيفصل الجهاز العصبي المركزي.. وده الأكمل، الأجمل، والأسوأ.

المهم بُص معايا بقى بصة معتبرة كده للي فوق ده، كلها أدوية نفسية يا صديقي، كلها بتعبث بكيمياء المخ، كلها مش أدوية بتعالج مرض اسمه سرعة القذف، هي مواد كيميائية من نتائجها تأخير القذف لكن مش بتعالج مرض..

تدري ليش؟ لإن مفيش مرض اسمه سرعة القذف، وما هو إلا مجرد عَرَض حصل كردة فعل تلقائية من جسمك لشيء تاني، زي خلل السيروتونين أو ضعف انتصاب أو قلق وتوتر زود إفراز الكورتيزول فكانت ردة الفعل سرعة القذف وأكثر حاجة بتسبب العَرَض ده هو خوفك من أن تكون سريعًا والبحث عن الحلول لشيء انت اللي سميته مشكلة.

يعني انت بس خاف واقلق وحِس كده إنك بقيت سريع.. هوب بقيت سريع، القذف عملية نفسية يا صاحبي عملية خاضعة للعصب السيمباثاوي، والمعلم ده لا إرادي، بيخضع لاتزانك النفسي والهرموني، فـ لو عرفت تسيطر على حوار خوفك من سرعة القذف والله هتبقى زي الفل.

عدد كبير جدا من اللي تعرضوا لسرعة القذف المستمرة كان عندهم مشاكل ابتداءً في الانتصاب، فضغط على نفسه عصبيا وذهنيا فاختصر الأربع مراحل {الإثارة ثم الانتصاب ثم القذف ثم الخمول} كلهم في القذف علشان جسمه يدخل في خمول ويهدى من كم الجهد اللي الدماغ مسحول فيه، فـ لو انتصابك كويس مفيش أي قلق، انت بس خلي عندك دراية بطبيعة جسمك هتلاقيك انت اللي بتقوده مش هو اللي بيُرغمك.

نام كويس، علشان هرمون النوم {الميلاتونين} المادة الأصلية لبناءه في جسمنا هرمون تاني اسمه سيروتونين، يعني جسمك علشان ينتج الهرمون اللي بينيمك محتاج سيروتونين.. السيروتونين بقى هو الهرمون المسؤول عن تحسين مزاج معاليك فـ أي خلل فيه هيبقى اضطراب مؤدي لسرعة القذف العرضي.. اللي بعد شوية حلوين بيتحول لسرعة قذف مرضي. فـ نام كويس الله يعزك..

بالله عليك خليك حافظ الجملة دي "سرعة القذف مش مرض - ولذلك ليس له دواء، هو عَرَض لمشكلة لو حليناها هينتهي تماما" وأفضل طريقة للسيطرة العلاج السلوكي المعرفي، إنك تبقى فاهم جسمك كويس، ولا تُعرِّض نفسك للاضطراب والقلق، وقلق الأداء، وانعدام الثقة بنفسك.. وتدخل العملية الجنسية حاطط تارجت إنك تبسط الست اللي معاك، المداعبة بإيدك عندها من بره وبالعضو والقُبلات والرضاعة وغيرها من الحاجات اللي بتخلي الأمور عندها خلصت من قبل ما انت اصلا تخلع البوكسر.. ده غير إننا كتبنا مناورات التحكم كلها في منشور واحد .. لو ذاكرته هتبقى وحش زمانك والله.

بس أنا خلصت .. سلام

تنبيه*

{في الأدلة الطبية زي DSM-5 وICD-11. قد يكون سرعة القذف اضطرابًا عند بعض الأشخاص ويُشخَّص كـ”Premature Ejaculation Disorder” وساعتها هيبقى بيتعالج بشكل واضح من مرض سرعة القذف، وده نادر لكن وجب ذِكره علشان المعيار العلمي}